بسم الله الرحمن الرحيم
- كتبت هذه المدونه بواسطه Kafeel Kafeel طالب بالفرقه الثانيه فى الكليه .
- انا حاولت اوضح كل حاجه عن الكليه عندنا على قدر المستطاع.
- لو فى اى استفسار او سؤال كلمنى على الفيس بوك FaceBook
شكرااا
Thursday, 22 August 2013
Saturday, 17 August 2013
الأنشطه الطلابيه Student Activity
بسم الله الرحمن الرحيم
دول يا جماعه الأسر و الأنشطه الطلابيه اللى عندنا فى الكليه
1- إتحاد الطلاب
2- ACM
3- Suppoяt
4- Sign In
5- STEP
6- Microsoft Tech Club ASU
7- COMPASS
8- IEEE
9- Google Student Ambassadors
10- فريق رسالة
11- خوارزمى
12- الحلم المصرى
يعنى ايه سكشن ؟؟؟ و ايه نظمها ؟؟؟؟ و ايه المواد اللى ليها سكاشن ؟؟؟؟؟
بسم الله الرحمن الرحيم
ازيكوا يا سنه اولى النهرده ان شاء الله هنعرف حاجه مهمه اسمها سكشن يعنى ايه بقى ؟؟؟؟؟
بص يا سيدى السكشن هو هو المحاضره يعنى بيتشرح فيه نفس اللى بيتشرح فى المحاضره و ده علشان زياده الفهم و الناس اللى محضرتش المحاضره او مفهمتش حاجه من المحاضره تعوضها فى السكشن
طيب انا هعرف سكشنى ازاى ؟؟؟؟
الموضوع بسيط لما تدخل الكليه ان شاء الله و تشوف الجدول بتاعك هتلاقى كل سكشن مكتوب عليه رقم طيب نشوف كده ازاى
ديه صوره من جدول المحاضرات طبعا لازم نتفق مع بعض ان المربع اللى متظلل عليه بالرمادى ديه محاضره اما السكشن اللى مش متظلل عليه تمام كده
حلو برضو هعرفه ازاى ؟؟؟؟
جميل هتلاقى ادام كل سكشن رقم ممكن 1 او 2 او 3 الخ ارقام من اول رقم 1 لحد رقم 20 و دول عدد السكاشن كلها يعنى احنا كان عندنا 20 سكشن تمام كده
برضو انا هعرف سكشنى ازاى ؟؟؟؟
يا ابنى الصبر و الله هقولك طبعا اول اسبوع مفيهوش سكاشن يعنى محاضرات بس تحضر المحاضره و تتكل على الله تروح
امال السكاشن تبدأ امتى ؟؟؟؟
هتبدأ تانى اسبوع ان شاء الله هتلاقوا فى اول اسبوع كده ورق هينزل ممكن تلاقوه جنب باب المدرج الورق ده مكتوب فيه اسامى الدفعه كلها و متقسم كل واحد فى سكشن كام
يعنى مثلا محمد فى سكشن 3 و احمد فى سكشن 10 و اسماعيل فى سكشن 12 و كده يعنى
طيب سؤال رفيع طبعا الناس ممكن تلاقى اصحبها مش معاها فى السكشن و كده و عايزين نكون مع بعض هنعمل ايه ؟؟؟؟
هقولك طبعا انتا ممكن تحضر فى اى سكشن غير سكشنك بس الزتونه فى ايه ؟؟؟؟ انك لما تحضر برا سكشنك هتتاخد غياب فى سكشنك و لو فى اسيمنت فى السكشن بتاعك طبعا انتا مش هتعرف و بالتالى مش هتسلمه و بالتالى هتنقص درجات
واحد يسأل هو فيه غياب فى السكشن و الجو ده ؟؟؟؟؟؟
و الله ممكن فجأه الدكتور ياخد غياب كده عشوائى انتا و حظك
طيب ايه امواد اللى ليها سكاشن ؟؟؟؟؟
كل المواد ليها سكاشن ماعدا 3 مواد فى الترم الأول و هما : الأنسانيات و الأنجليزى و اللغويات
و 3 مواد فى الترم التانى ملهمش سكاشن و هما : الأنجليزى و البيزنس و حقوق الأنسان
يعنى 6 مواد فى السنه ملهمش سكاشن انما الباقى ليه ان شاء الله
و معظم السكاشن هتبقى فى مبنى جنيدى
كده فهمنا الحمد لله يعنى ايه سكشن و اهميته و هتعرف سكشنك ازاى
و لو فى حاجه اسأل
contact me on facebook
contact me on facebook
نظام الأمتحانات - المدرجات - مبنى جنيدى
بسم الله الرجمن الرحيم
ازيكوا يا سنه اولى النهرده ان شاء الله هنتكلم عن
نظام الأمتحانات - المدرجات - مبنى جنيدى
اولا نظام الأمتحانات :احنا عندنا السنه على ترمين تمام ترم اول و تانى و معظم المواد بتنتهى فى الترم الأول
يعنى مفيش مواد بتكمل ده يعنى فى سنه اولى الله اعلم فى بقيه السنين
حلو يعنى الترم الأول نظامه ايه ؟؟؟؟
هقولك بص يا سيدى الدراسه المفروض هتبدأ 21-9 ده لو اوضاع البلد استقرت ان شاء الله
ايوه يعنى هتبقى دح من اولها ؟؟؟؟
اكيد لا طبعا بس مش العكس مش تضربها صرمه و تقول انا لسه سنه اولى و الجو ده
ليه يعنى ؟؟؟؟؟؟
علشان اللى عملوا زيك كده كانت النتيجه انهم
-800x600+-+Copy.png)
طبعا بعد الشر عنكوا بس لازم تبقى فاهم حاجه الكليات العلميه و العمليه زى كليتنا و كليه هندسه لازم يكون فيها مذاكره و تعب شويه و متفتكرش انك هتريح فى الكليه بالعكس انتا كبرت و انتى كبرتى تبقى المسئوليه هتزيد
انا مش بخوفكوا بالعكس انا بحذرك و بديك خلفيه علشان منرجعش نقول
يا رييت اللى جرى ما كان
يبقى احنا هنذاكر و هنتعب و ربنا هيوفقنا ان شاء الله
طيب نرجع نكمل هندخل الكليه ان شاء الله اول اسبوع بأمانه بيبقى بيس يعنى تعارف و كده لسه الدراسه مشتدش جامد و ممكن نقول اول اسبوعين كمان بس بعد كده نبدأ نشتغل
احنا عندنا امتحانين فى الترم اول امتحان اسمه
Mid term
يعنى ايه ؟؟؟؟؟؟
يعنى امتحان تجريبى قبل امتحان الفاينل
يعنى ببساطه قبل ما تدخل على امتحان الفاينل يعنى امتحان الترم و انتا طبعا اول مره تمتحن امتحان فى الكليه ف بيعملوا امتحان قبلها اسمه الميد تيرم
يعنى مهم ؟؟؟؟ و هل عليه درجات ؟؟؟؟
طبعا مهم جدا جدا جدا و عليه درجات مش اقل من 20 % من الماده يعنى لو خسرتهم ممكن لقدر الله تبقى النهايه وحشه
يبقى احنا كده هنمتحن الميدتيرم و بعدها بشهر على ما اتذكر او شهرين هنمتحن الفاينل
ايه بقى الفاينل ده ؟؟؟؟؟
ديه يا سيدى الأمتحان النهائى للماده و عليه معظم درجات الماده يعنى حياه او موت لازم نكون مذاكرين كويس جدا جدا جدا
و نفس النظام ده موجود فى الترم التانى
ثانيا المدرجات : الكليه عندنا فيها مدرجين واحد اسمه سعيد عبد الوهاب و ده بتاع سنه اولى اللى هتخدوا فيه كل المحاضرات و مدرج تانى اسمه فهمى طلبه و ده بتاع سنه تانيه الى هما احنا ان شاء الله
طبعا المدرج مكيف و مش كبير اوى زى تجاره و حقوق يعنى حاجه نظيفه جدا جدا و هتشوفوا بنفسكوا
ثالثا مبنى جنيدى : هو مبنى تبع الكليه بس مش فى الكليه هو بعدها بشويه بس طبعا داخل الحرم الجامعى بعد كليه علوم و الوصف الدقيق امام مسجد كليه علوم بالظبط
و ده هتخدوا فيه معظم السكاشن كلها يعنى هتبقوا رايحيين جايين عليه
كده احنا خلصنا الحمد لله اه نسيت حاجه الكليه مكيفه يعنى قاعه المحاضرات و السكاشن مكيفيين الحمد لله و الكليه فيها اصنصير و فى مسجد كبير بتاع كليه علوم و فيه مصلى سيدات
يعنى هتصلوا هتصلوا
اى سؤال اسأل
contact me on facebook
contact me on facebook
المدونه الثالثه
بسم الله الرحمن الرحيم
ازيكوا يا سنه اولى ان شاء الله تكونوا بخير نكمل كلمنا
يلا بينا النهرده هنشوف ان شاء الله طبيعه الدراسه عمله ازاى ؟؟؟
يعنى مثلا فى كتب كتير كده زى الثانويه العامه و لا هنذاكر من اللاب؟؟؟؟؟؟؟؟؟؟؟؟
لا يا سيدى هتذاكر من اللاب
اه و الله و لعلمك اكتر فتره هتذاكر من على اللاب عندنا فى الكليه ليه بقى ؟؟؟؟؟؟؟؟؟؟
للأن معظم الكتب سوفت كوبى
يعنى ايه سوفت كوبى ؟؟؟؟؟؟؟؟؟؟؟
يعنى مفيش كتاب هتمسكه فى ايدك الكتاب هيبقى معاك على اللاب تذاكر منه فى اى وقت ماعدا كتاب او اتنين ممكن تشتريهم بس الكتب غاليه شويه
كام يعنى؟؟؟؟؟؟؟؟؟؟
يعنى مثلا كتاب الفزيا ب 200 جنيه و كتاب الماث ب 180 جنيه
اه و الله بس ممكن متجبهمش و كلوا من على اللاب
طيب ديه كدا الكتب نشوف حاجه تانيه
ممكن سؤال ؟؟؟؟
اكييد اتفضل
هيا الكليه كلها دراسه بس ؟؟؟؟؟؟؟؟؟؟
يعنى .......... و انتا فاهم بقى
هههههههههههههههههههههههههه
بص يا سيدى احنا عندنا جنينه تحفه بجد جميله جدا و جمبها عم فتحى ربنا يديلوا الصحه تضرب كوبايه الشاى او النسكافيه الصبح كده مع سندوتش من عند ميدو
من ميدو ده ؟؟؟؟؟؟؟؟؟
ميدو ده محلات الأكل فى ممر كده بين حاسبات و علوم و هتلاقى كل حاجه ان شاء الله
ده غير الأنشطه اللى فى الكليه
بس برضو مش فاهم ؟؟؟؟؟؟؟؟؟
الموضوع بسيط فى حاجه فى الكليه اسمها
Student activity
دول عباره عن نشاط طلابى بيتكون من عدد من الطلبه و كل واحد فيهم بينزل بالأيفنت بتاعه و يفهمك كل حاجه
بصوا من الأخر كده انتا دخلت المكان الصح عندنا هتلاقى كل حاجه بس عايزين شويه مجهود و مذاكره من حضرتك مش اكتر و هتحس فعلا ان الكليه بيتك التانى
انا كده حاولت اقول كل اللى انا فكره و اغطى سنه اولى على حسب ما استطيع
و اللى عندك حاجه يسأل فيها و انا موجود
CONTACT ME ON FACEBOOK
CONTACT ME ON FACEBOOK
المدونه الثانيه
بسم الله الرحمن الرحيم
ازيكوا يا سنه اولى ان شاء الله تكونوا بخير هنكمل ان شاء الله حديث امبارح يلا
النهرده ان شاء الله هنتكلم شويه عن الترم التانى
الحمد لله خلص الترم الأول ( ده على سبيل التفائل ان شاء الله ) و كان عندنا 6 مواد
تمام كده حلو اوى نشوف الترم التانى عباره عن ايه ؟؟؟؟
فى الترم التانى عندنا 7 مواد
الله الله هيا المشرحه نقصه قتله ؟؟؟؟؟
اهدى بس افهم الدنيا مشيه ازاى
بص يا سيدى
اول ماده
1- Math 2 :
نفس نظام الماث بتاع الترم الأول مفيش اختلاف و برضو فيه اسيمنت يعنى واجب بس خلى بالك الأسيمنت ده مفيد
ازاى يعنى ؟؟؟؟؟؟؟؟؟؟؟؟؟؟؟؟؟
لو فكرت فيها الأسيمنت ده عليه درجات حوالى 16 او 20 درجه حلو
جميل ؟؟؟؟؟ و بعدين؟؟؟؟؟؟؟؟؟؟؟؟
يعنى انتا كده ان شاء الله معاك 16 او 20 درجه من الماده
ايوه بقى ايوه بقي ايوه بقى
و خلى بالك ان الأسيمن اختيارات يعنى قشطه الأول بنحل بالمذاكره بعد كده بتبقى حادى بادى و بيعدى بس الأول نحل بالمذاكره
طيب حلو معانا 16 درجه و مع المذاكره و الحل الكتير هتبقى ماده جميله ان شاء الله
2- Physics 2 :
بأمانه بقى احلى 100 مره من الترم الأول و اصغر كمان يعنى حوالى 7 شباتر
ايوه بقى ايوه بقى ايوه بقى
قولتلك الدنيا هتحلو
3- Structure Programming :
ديه بقى اول ماده رسمى فى الكليه تكلمك عن البرمجه و نخلى بالنا احنا هنبرمج بأستخدام لغه ال سى بلس بلس
C++
هتدهلكوا الدكتوره سلمى حمدى زينا او ممكن دكتو تيمور انتوا و نصيبكوا ديه بقى هتفهمك البرمجه بس لازم يكون عندك خلفيه من الترم الأول علشان تكون فاهم الدكتور بتقول ايه و محدش يقلق الماده ديه ليها لابات
يعنى ايه لابات ؟؟؟؟؟؟؟؟؟؟؟
يعنى معمل كده فيه اجهزه كمبيوتر و بيتشرح فيه نفس اللى كانت الدكتوره بتشرحه بس اللى بيشرح معيد
يعنى ايه معيد ؟؟؟؟؟؟
المعيد هو طالب جاب امتياز فى التخرج و اشتغل فى الكليه بس لسه مش دكتور رسمى و المفروض انه يحضر ماجيستير و دكتوراه و يبقى دطتور رسمى بس خلو بالكوا
ايه ؟؟؟؟؟؟؟؟؟
المعيد برضو بنقوله يا دكتور يعنى فى اللاب متقولش يا معيد يا معيد هضحك الناس عليك تمام كده
طيب يبقى كده الماده ديه هتتشرح مرتين مره فى المحاضره و مره فى اللاب يعنى ملكش حجه فى البرمجه عايزين وحوش بقى
بس ذاكروها كويس علشان امتحانها تقيل بس اللى مذاكر هتبقى سهله ان شاء الله
4- Electronics:
الكترونيات ماده جميله هتدهلكوا دكتوره شيرين راضى بس كلها كهربه فاكرين الكهربه بتاعت الثانويه العامه كده زيها بس اكتر شويه
و ليها برضو لابات بس الأختلاف ان اللاب هيتشرح برضو فيه و فيه عملى و توصيل و كده
ايه ده ؟؟؟؟؟ هوصل كهربه انتوا عايزنى اموت و لا ايه ؟؟؟؟
لا يا ريس احنا نقدر برضو
ديه حاجه بسيطه يعنى 12 فولت مثلا علشان لو نمت فى اللاب تصحصح كده و تفوق
بهزر طبعا التوصيل بيبقى تحت اشراف الدكتور و مفيش اى خطوره
5- English :
طبعا مش محتاج كلام حاجه زى الفل و سهله جدا زى الترم الأول شفت كان سهل ازاى
6- Business :
بيزنس يعنى ايه ؟؟؟؟ يعنى هيعلمك ازاى تعمل بيزنس لنفسك لو حبيت اكنها رحله هتبدأ مع اول محاضره و تنتهى اخر السنه و هتعملوا فكره بيزنس عملى و تشتغلوا عليها مع الدكتور ان شاء الله و ساعات الماده ديه بتتغير و تخدوا مكنها حاجه تانيه على حسب بس مع المذاكره ان شاء الله هتبقى تمام
7-Human rights:
حقوق انسان ماده ملهاش اى لزمه و مشفناش الدكتور بتعها و برضو فى الأخر ملزمه من اوسكار و هتبقى تمام
كده الحمد لله شفنا الترم التانى مع بعض
انا بحاول اغطى السنه كلها بحيث تبقى داخل فاهم كل حاجه
طبعا لسه فيه حاجات كتير هنتكلم فيها ان شاء الله
و محدش يقلق هتبقى فاهم كل حاجه قبل لما تدخل
و لو فى اى حاجه اسأل
CONTACT ME ON FACEBOOK
CONTACT ME ON FACEBOOK
يا ترى اللاب مهم ؟؟؟؟
انا مش عارف اجيب لاب و لا ؟؟؟؟ و لو جبته تبقى امكنياته عمله ازاى ؟؟؟؟
بص يا سيدى طبعا هو مهم يكون عندك لاب مفيش كلام بس امته بقى ؟؟؟
بالنسبه للترم الأول انتا مش هتحتاجه فى اول السنه فى البرمجه إلا لو دخلت حاجه اسمها
ACM
هنعرفها بعدين متقلقوش طيب لو مدخلتهاش اجيبه و لا ؟؟؟؟
لو مدخلتش مش حتحتاجه اوى إلا مثلا لو عايز تعمل اسيمنت الماث مثلا فى الكليه يعنى ممكن تلاقى نفسك فاضى و عندنا نت فى الكليه فممكن تدخل و تعمل الأسيمنت هتحتاجه فى الترم الأول بس فى اواخر الترم لما تنزل المشاريع و كده ساعتها
هيبقى مهم جدا
يعنى الخلاصه لو عندك واحد و كويس اشتغل بيه و لو معندكش و هتجيب واحد ده بقى يرجعلك لو الظروف تسمح و الفلوس معاك جاهزه ممكن تجيبه و تخليه فى البيت مفيش مشكله انما لو لسه الفلوس مش جهزه مثلا برضو مفيش مشكله ممكن تجيبه على مهلك
و بالنسبه للمواصفات و الماركه و كده ممكن تجيب ديل او توشيبا الأتنين كويسيين جدا طبعا فى سونى و اتش بى و ابل و لينوفو بس اسعرهم عاليه شويه
ي
يعنى اللاب الكويس ممكن يبقى ب 3 الف او اكتر اقل من كده هيبقى يعنى ممكن سنه و ميكملش معانا
اهم البرامج التى يجب توافرها
بسم الله الرحمن الرحيم
بصوا يا جماعه فى شويه برامج مهمه لازم تكون عندنا على اللاب او حتى الناس اللى معندهاش لاب لازم يكونوا عندهم على جهاز البيت تمام كده
طيب جميل انا طبعا البرامج ديه عندى على اللاب بس طبعا انا مش هشفكوا غير فى اول الدراسه فأنا هجيب لينكات للبرامج ديه
من النت و انتوا هتنزلوها حلو
1- Visual Studio :
و البرنامج ده مفيش غنه عنه للأن ده اللى هنبرمج بيه يعنى من غيره مفيش برمجه و فيه منه 2010 و 2012 هجبلكوا الأتنين
لينك تحميل 2012
لينك تحميل 2010
2- Adobe reader:
و ده مهم علشان المحاضرات و الكتب مهم جدا
لينك التحمبل
3- Foxit reader :
و ده بديل البرنامج التى علشان مثلا لو حد هنده البرنامج التانى مش شغال يجرب ده و ان شاء الله يشتغل
لينك التحميل
4- MicroSoft Office :
و ده فيه منه 2007 و 2010و الأتنين بيشغلوا الحاجه كلها و هجيب لينك الأتنين
لينك تحميل 2007
لينك تحميل 2010
5- Microsoft Windows Journal Viewer :
و ده مخصوص علشان دكتور محمد حسن بتاع الفزيا برضو مهم
لينك التحميل
Monday, 12 August 2013
المدونه الأولى
بسم الله الرحمن الرحيم
ازيكوا يا سنه اولى ان شاء الله تكونوا بخير انا حابب بس اوضح شويه حاجات بسيطه
مش عايز حد يكون عنده ذره شك انه دخل كليه وحشه و ملهاش مستقبل للأن ده خطأ تماما و ملوش اى اساس من الصحه كليتنا كانت بتاخد زمان اكتر من هندسه و مازالت برضو بتاخد مجاميع مش قليله و الفرق بينها و بين الهندسه مش كتير بس احنا لينا مجال معين و هو السوفت ويير او البرمجه يعنى ايه ؟؟؟؟ يعنى انا اللى ببرمج الحاجه يعنى انا من خلال تعليمات بتكون موجوده فى البرنامج بقول للبرنامج اعمل كده و متعملش كده حاجه حلوه جدا يعنى اسهل شويه انا اللى بمشى البرنامج من خلال اكواد معينه بتكون موجوده فى البرنامج او اوامر و من هنا جه اسم برمجه و بقى الأنسان اللى بيعمل كده اسمه مبرمج
طيب جميل جدا انا بقى سنه اولى عندى ايه فى الكليه و هتعلم ايه ؟؟؟؟؟ انا مش فاهم حاجه خالص ؟؟؟؟؟؟؟؟؟؟؟؟؟
الموضوع بسيط جدا بص يا سيدى سنه اولى ديه اسهل سنه يعنى ايه ؟؟؟؟؟ مش هذاكر و هلعب
فهمتنى غلط يا ريس
امال ايه ؟؟؟؟؟؟؟؟؟؟؟؟؟؟؟؟؟؟؟؟
بص يا سيدى سنه اولى سهله يعنى ايه ؟؟؟؟؟ قصدى انك ممكن تجيب تقدير فيها بسهوله بس طبعا مش باللعب اكيد هنذاكر للأن السنين اللى بعدها الحمل بيزيد شويه و المشاريع بتزيد كمان
ايه مشاريع ؟؟؟؟؟؟ مشاريع ايه ديه ؟؟؟؟؟؟ و كام مشروع ؟؟؟؟؟ يالهووووووووووووووى مشروع ؟؟؟؟؟؟
اهدى بس الموضوع بسيط بص انتا عندك مشروع فى كل ترم يعنى واحد للترم الأول و واحد للترم التانى بس كده
يعنى ايه برضو مش فاهم ؟؟؟؟؟؟؟
يعنى بينزل جدول مشاريع للدفعه كلها فيه حوالى 10 او 20 مشروع و انتا بتختار و بيكون فيه تيم للمشروع يعنى حوالى 3 او 5 بيشتغلوا فى المشروع مع بعض لمده شهر و بيتسلم قبل الأمتحانات
يعنى صعب و لا سهل ؟؟؟؟؟؟؟؟؟؟؟؟؟؟؟؟
و الله ديه بقى تعتمد على مستواك فى البرمجه لو كنت بتذاكر من الأول كويس فى البرمجه هتلاقى الموضوع سهل جدا و لو كنت بتلعب هتلاقى الموضوع مستحيل و مش هتعمل المشروع و هتخسر حوالى 20 درجه يعنى ممكن تشيل الماده شفت بقى
ده شكله هيبقى مرار طافح ؟؟؟؟؟؟؟؟؟؟؟؟؟؟؟
بالعكس ده موضوع ممتع جدا لما تشوف مشروع و تبقى انتا اللى عمله حاجه فى غايه المتعه
طيب ايه المواد اللى عندنا ؟؟؟؟؟ و كام مده ؟؟؟؟؟ و نظام الأمتحانات ازاى ؟؟؟؟؟؟؟؟؟؟؟؟؟؟؟؟
جميل فى الترم الأول عندنا 6 مواد اللى هما
1- Introduction to computer :
ديه ماده جميله جدا جدا و لذيذه و هتدهلكوا الدكتوره دعاء بجد دكتوره زى العسل و الله بس مش بتحب الرغى و البنات اللى بتاكل لبان يارييت ترمى اللبانه قبل المحاضره علشان مبتحبش اللبان اه و الله و هى ماده عباره عن انه بيعرفك ايه هو الكمبيوتر و مكوناته و ايه هيا انظمه التشغيل و كده يعنى ماده جميله و محدش بيسقط فيها
2- Physics :
الفزياء ماده يعنى قشطه سهله بس المهم تحضروا المحاضره و السكشن و تذكروها اول بأول و ان شاء الله تجيبوا فيها تقدير انا كنت مستهتر شويه و كمان هيا فيها كتيير من فزياء الثانويه العامه يعنى هتبقى لذيذه
3-Math :
ماده لذيذه جدا بس هنقف معاها شويه
هيا فيها كتببر برضو من الثانويه العامه من زياده بعض الأشياء و ليها
Assignment
يعنى ايه ؟؟؟؟؟ يعنى واجب و عايزين ننسى كلمه واجب و نحفظ الكلمه الجديده اسيمنت
بس ازاى ؟؟؟؟؟ ورقه و قلم و كده ؟؟؟؟؟؟
لا يا ريس ده كان زمان دلوقتى كل حاجه بالكمبيوتر كله بالكمبيوتر 5 دقائق نخلص و نمشى على طوول
امال الفكره ايه ؟؟؟؟؟؟؟
فى موقع هتدخلوا عليه الدكتور هيدهلكوا و هتلاقوا الأسيمنت نزل تحلوه هيبقى عباره عن اختيارات و بينزل لمده اسبوع واحد بس و بعد كده بيتقفل و يروح للدكتور يعنى هيبقى فى شغل عالى اوى فى الماده ديه بس سهله ان شاء الله
4- English :
طبعا ماده مش محتاجه كلام ذاكر و هتجيب تقدير مستريح
5- linguistics :
لغويات ماده الغاز مش هتفهم حاجه بس الدكتور هيديكوا زى ملزمه كده ذاكرها و تعدى ان شاء الله
6- Humanities:
انسانيات ماده شبيه بعلم النفس شويه بس قشطه تعدى برضو هتاخد ملزمه من اوسكار و تجيب تقدير مستريح
ايه اوسكار ديه ؟؟؟؟؟؟؟؟؟؟؟؟؟
ديه مكتبه بتلاقى فيها معظم الملخصات بتاعت كليتنا سواء الدكتور منزلها او طالب منزلها و هتعرفوها ان شاء الله
كده انا حاولت اوصل المعلومه و اديكوا نبذه عن الترم الأول و ان شاء الله اعمل وحده تانيه للترم التانى
يا رب تكونوا فهمتونى و تكون المعلومه وصلت
و اى حاجه اسئل
CONTACT ME ON FACEBOOK
-
Subscribe to:
Posts (Atom)
-800x600+-+Copy.png)
